ထုတ်လွှင့်လိုက်သည်

မင်္ဂလာပါ ၊

ကျွန်တော်တို့ စကားလုံး အဖ်အမ် မှ ဘာသာစကားများကို ထုတ်လွှင့်နေပါသည်။
ကျွန်တော်တို့ အဖ်အမ်သည် ဖရီကွမ်စီ မော်ဂျူလေးရှင်း လား၊
ဖီးလ်မာရှယ် လား
ဘာလား ညာလား မသိ။
သို့သော် သင့်ထံထုတ်လွှင့်လျှက်ရှိပါသည်။

သင်တို့ ခေါ်ဆိုသော တယ်လီဖုန်းသည် အကြောင်းအမျိုးမျိုးကြောင့်
ဆက်သွယ်၍မရရှိခြင်းမှာ တယ်လီဖုန်းဧ။် ချို့ရွင်းချက်ကြောင့်လား ၊
ဆက်သွယ်ရေး ကိရိယာများဧ။် ချို့ရွင်းချက်ကြောင့်လား ဆိုသည်ကို
တယ်လီဖုန်းပိုင်ရှင်သည်လည်းကောင်း ခေါ်ဆိုသူသည်လည်းကောင်း သိနိုင်မည်မဟုတ်ပါ။

ပူပြင်းခြောက်သွေ့သော နွေရာသီကို ရောက်ရှိလာပြီဖြစ်ပါသောကြောင့်
သင်တို့ဧ။် အသုံးမပြုတော့ပြီဖြစ်သော အသိဥာဏ် နှင့် ခံစားမှု တို့ကို စနစ်တကျ ငြိမ်းသတ်ထား
ကြရန်နှင့်၊
ကျူးဘား ဆေးပြင်းလိပ်ကို ပါးစပ်တွင် ခဲကာ တော်လှန်ရေးစကားများ ကို နေ့ည
လမ်းလျှောက်၍ လုံးဝ
မပြောကြပါရန် တိုက်တွန်းနှိုးဆော်အပ်ပါသည် ။

လူတို့သည် အချိန်နာရီတို့နဲ့ တကွ ရက်လနှစ် တို့ကို သတ်မှတ်လျှက်ရှိကြသည် ။
ထို့ကြောင့် ဧပရယ်လ ဆယ့်သုံးရက် ကို တန်ခူးလဆန်း ၁၀ရက်နေ့ဟူ၍ လည်းကောင်း၊
ထို တန်းခူးလဆန်း ၁၀ရက်နေ့ကို သင်္ကြန်အကြိုနေ့ ဟူ၍လည်းကောင်း သတ်မှတ်ကြသည်။
ထိုနေ့တွင် သကြားမင်းဟုဆိုသော အရာသည် လူပြည်ဟုဆိုသော အရာသို့ ဆင်းသက် လာသည်ဟုဆိုသောကြောင့်
အထက်မှအောက်သို့ ရွေ့လျားကြောင်းကို ဖေါ်ပြနေသည်။
ထိုသကြားမင်း ဆိုသောအရာသည် နှစ်စဉ်နှစ်တိုင်း တစုံတရာကို အသုံးပြု၍ ဆင်းလာသည် ဟု အယူရှိကြလေရာ ၊
ယခုနှစ်တွင် အသုံးပြုမည့် ဆင်းသက်ကိရိယာမှာ အိုဇုံးလွှာအား ထိခိုက်မှု ရှိ၊မရှိ
သဘာဝပတ်ဝန်းကျင် ထိန်းသိမ်းရေးသမားများက လေ့လာစောင့်ကြည့်သွားပါမည်။

မိုးမရွာခဲ့လျှင် မည်သူမျှ ထီးမေ့ကျန်ခဲ့လိမ့်မည်မဟုတ်။
အ၀ိဇ္ဇာဝံပုလွေကို တိုက်ထုတ်ရန် အရစ္စတိုတယ် က သူ့တပည့်တွေကို သင်ကြားပေးလိမ့်မည်။
သူတော်စင်တဦး ဖြစ်ရန် မည်သို့သောအချက်များ လိုအပ်ကြောင်းကို စာရင်းပြုစုရအုံးမည်။
ထို့နောက်တွင်တော့ မဟာလူသား အဖြစ်ကို အလိုမရှိ။
ထာဝရ ဆိုသော အရာကို တိုင်းတာကြည့်မိသောအခါ တည်မြဲခြင်းသည် မှန်ကန်သောအကြောင်းတရား များသာဖြစ်တော့ဧ။် ။အပြည့်အ၀မှန်ကန် ဖို့တော့ လိုအပ်သည်။
သေပြီးတဲ့နောက်မှတော့ ဘယ်အုတ်ဂူကိုမှ ဆေးရောင်မခြယ်ချင်ပါနဲ့ တော့ မိတ်ဆွေ ။
ရာသီဥတုတွေ ပြောင်းလဲလာတဲ့အကြောင်းကို ဦးထွန်းလွင်မပြောလည်း ခင်ဗျားသိတာပါပဲ။

ကျွန်တော်တုိ့ စကားလုံး အဖ်အမ်ဧ။် အစီအစဉ်များကို ဤတွင် ခေတ္တ ရပ်နားပါမည်။
ကျန်ရှိနေသော အစီအစဉ်များကို အာရုံလာသောအချိန်၌ ဆက်လက်ထုတ်လွှင့်သွားပါမည်။
ထိုအစီအစဉ်များကို ချစ်ခြင်းပွိုင့်ဇီးရိုးဇီးရိုး တွင် လည်းကောင်း၊ မုန်းခြင်းပွိုင့်ဇီးရိုးဇီးရိုး တွင် လည်းကောင်း
အဆင်ပြေသလို ဖမ်းယူခံစားနိုင်ပါသည်။